Museo da Enerxía de Ponferrada

O Museo da Enerxía situado na fábrica da Luz de Ponferrada é todo un referente. Atópase na antiga central térmica da Minero Siderúrxica de Ponferrada MSP. É unha xoia da arqueoloxía industrial do Bierzo.

A central, en funcionamento entre 1920 e 1971, recolle a memoria dos traballadores de maneira exemplar .

Ata ela o carbón das minas do Bierzo e Laciana chegaba por un sistema de cables. Unha vez aló almacenábase e distribuíase mediante cintas transportadoras para chegar ás caldeiras.

Unha vez nas caldeiras, nun ambiente de ata 50 graos no verán o carbón queimado producía a suficiente temperatura como para xerar vapor en cantidade e mover varias turbinas, que producían a electricidade.

Dende a sala de control regulábase a electricidade que nun primeiro momento daba servizo ás propias instalacións mineiras, e posteriormente alimentou tanto á rede eléctrica xeral, como a fábricas de cementos Cosmos.

Toda unha memoria industrial a protexer e valorizar, pero que tamén deixaría as súas pegadas de contaminación no seu momento. Ata o ano 2003 a gran montaña de refugallos de carbón da MSP, de 90 metros de altura, era un referente visual da cidade.

Se precisas un arqueólogo en Ponferrada ou no Bierzo, non dubides en contactarnos.